Kanda Bajar Bhav : धक्कादायक ! एका रात्रीतच कांद्याच्या दरात मोठी घसरण, वाचा आजचे कांदा बाजारभाव

Kanda Bajar Bhav : कांद्याच्या बाजारभावात (Onion Rate) गेल्या काही दिवसांपासून सुधारणा होत होती. मात्र आज पुन्हा कांद्याच्या बाजारभावात (Onion Market Price) घसरण झाली आहे. आज भुसावळ कृषी उत्पन्न बाजार समितीमध्ये (Apmc) कांद्याला अवघा 1200 रुपये प्रति क्विंटल एवढा कमाल बाजार भाव मिळाला असल्याने कांदा उत्पादक शेतकरी बांधवांची पुन्हा एकदा दरवाढीची आशा फोल ठरली आहे. राज्यातील इतर बाजार समितीमध्ये कांद्याला 1250 रुपये प्रतिक्विंटल पासून ते दोन हजार 150 रुपये प्रति क्विंटल पर्यंतचा सर्वसाधारण बाजार भाव मिळत आहे.

खरं पाहता काल अमरावती भाजीपाला मार्केटमध्ये कांद्याला (Onion Crop) तब्बल 3 हजार 500 रुपये प्रति क्विंटल एवढा उच्चांकी बाजार भाव मिळाला होता. मात्र आज कांद्याचा बाजार भावात मोठी घसरण झाली आहे. यामुळे कांदा पुन्हा एकदा बेभरवशाचा ठरला आहे. दरम्यान राज्यातील इतर कृषी उत्पन्न बाजार समितीमध्ये कांद्याला अपेक्षित नाही मात्र समाधानकारक बाजार भाव मिळत असल्याने शेतकरी बांधवांना (Farmer) थोडा दिलासा मिळत आहे.

मात्र भुसावळ एपीएमसीमध्ये लाल कांद्याच्या बाजारभावात घसरण झाली असल्याने आगामी काळात कांद्याच्या बाजारभावात अजून घसरण होईल की काय अशी शंका आता शेतकरी बांधवांची चिंता वाढवत आहे. मित्रांनो जसे की आपणास ठाऊकच आहे आपण रोज कांद्याच्या बाजार भावाची माहिती जाणून घेत असतो आज देखील आपण राज्यातील प्रमुख कृषी उत्पन्न बाजार समितीमध्ये 3 वाजेपर्यंत झालेल्या लिलावाची सविस्तर माहिती जाणून घेणार आहोत.