Successful Farmer : चवळी (Bean) हे एक भाजीपाला पीक (Vegetable Crop) आहे. या भाजीपाला पिकाची लागवड (Vegetable Farming) शेतकऱ्यांसाठी (Farmer) फायदेशीर ठरत आहे. या पिकाचे सर्वात मोठे वैशिष्ट्य म्हणजे हे पीक अवघ्या 50 दिवसांत काढणीसाठी तयार होते. आणि या पौष्टिक भाजीपाल्याची मागणी बाजारात कायम आहे.
चवळीच्या शेंगांच्या भाजीबरोबरच त्याच्या बिया सुकवून खूप दिवस ठेवल्या जातात आणि नंतर त्याची देखील भाजीही केली जाते. ICAR-IIHR ने चवळीची एक नवीन जात तयार केली आहे. लांब चवळीची जात या संस्थेने तयार केली असून अर्का मंगला असे या नवीन जातीला नाव देण्यात आले आहे. या जातीचे वैशिष्ट्य काय आहे आणि शेतकऱ्यांना लांब चवळीच्या लागवडीचा (Farming) कसा फायदा होत आहे. या लेखात आपण जाणून घेणार आहोत.
ICAR-IIHR ने न्यू यार्ड लाँग बीन्स अर्का मंगला ही जात विकसित केली आहे जे उच्च उत्पन्न देते. याच्या शेंगा हिरव्या, लांब आणि कोमल असतात. कर्नाटकातील उडुपी जिल्ह्यातील मेलहोसूर गावातील प्रगतीशील शेतकरी एच. बाबू शेट्टी यांनी रब्बी हंगाम 2018-19 मध्ये एक चतुर्थांश एकर यार्डमध्ये लांब बीन्स अर्का मंगला पेरले.
त्यांना भू समृद्धी प्रकल्पांतर्गत ICAR-IIHR, बेंगळुरू आणि कृषी विज्ञान केंद्र ब्रह्मवर यांनी उंच चवळीच्या लागवडीसाठी अर्का मगला जातीचे बियाणे प्रदान केले होते. त्यांनी नोव्हेंबर महिन्यात रोपांमध्ये 45 सेंमी अंतर आणि ओळींमध्ये 120 सेमी अंतर ठेवत या पिकाची लागवड केली. एच. बाबू शेट्टी यांनी एक चतुर्थांश एकर जमिनीवर लांब चवळीच्या लागवडीतून 3.5 टन उत्कृष्ट दर्जाचे चवळीचे उत्पादन मिळवले.
त्यांनी आपल्या जवळच्या बाजारात याची विक्री केली आणि त्यांना 45 रुपये किलोने बाजारभाव मिळाला. अशा पद्धतीने त्यांना अवघ्या 4 महिन्यांत सुमारे 97,500 रुपयांचा नफा झाला. अर्का मंगलाच्या उत्पादन क्षमता आणि गुणवत्तेमुळे शेट्टी खूप खूश आहेत.
