Success Story: भारतात गेल्या अनेक वर्षांपासून शेतकरी बांधव (Farmer) मोठ्या प्रमाणात भाजीपाला पिकांची (Vegetable Crop) शेती करत आहेत. यामुळे शेतकरी बांधवांना अतिरिक्त उत्पन्न (Farmer Income) मिळत आहे. जाणकार लोकांच्या मते, भाजीपाला पीक कमी दिवसात काढणीसाठी तयार होत असल्याने शेतकरी बांधवांना याचा फायदा मिळत आहे.
मित्रांनो, उत्तर प्रदेश मधील एका शेतकऱ्याने देखील भाजीपाला शेतीतून (Vegetable Farming) लाखों रुपयांची कमाई करून दाखवली आहे. योग्य नियोजन केले तर भाजीपाला पिकातून देखील लाखों रुपयांची कमाई सहजतेने कमावते येते हे या शेतकऱ्याने दाखवून दिले आहे. उत्तर प्रदेशमधील हर्दोई जिल्ह्यातील विपुल दीक्षित या नवयुवक शेतकऱ्याने कमी खर्चात घेवडा या पिकाची (Beans Crop) लागवड करून लाखो रुपयांची कमाई केली आहे. त्यामुळे सध्या हे प्रयोगशील शेतकरी पंचक्रोशीत चर्चेचा विषय ठरत आहेत.
प्रयोगशील शेतकरी विपुल दीक्षित यांच्या मते, त्याच्या लागवडीसाठी, सुमारे 1 हेक्टरमध्ये सुमारे 30 किलो बियाणे आवश्यक आहे. शेततळे तयार करण्यासाठी त्यांनी उद्यान विभागाने दिलेल्या तंत्राची मदत घेतली आहे. त्यामुळे घेवड्याचे चांगले पीक आले आहे. अनेक दिवसांपासून ते घेवड्याचे पीक घेत असले तरी या वेळी फलोत्पादन विभागाच्या अत्याधुनिक तंत्रज्ञानामुळे घेवड्याचे पीक पूर्वीपेक्षा चांगले आले आहे.
मित्रांनो शेतकरी विपुल यांनी दिलेल्या माहितीनुसार, त्यांनी एका हेक्टरमध्ये बीन्सची लागवड केली आहे. त्यांनी सांगितले की, शेतात भरपूर शेणखत टाकल्यानंतर शेताची तीनदा नांगरणी केली. शेतात नांगरणी केल्यानंतर जमिनीचा पीएच मूल्य तपासला. घेवडा लागवडीसाठी 6 च्या आसपास pH मूल्य असणे चांगले मानले जाते. शेतातील तण नियंत्रणात आल्यानंतर शेतात फळी मारून शेत करण्यात आली आहे बेड तयार केल्याचे शेतकऱ्याने सांगितले. त्यासाठी त्यांनी शेतात 5 मीटर रुंद बेड तयार केले आहेत. बेडच्या दोन्ही बाजूला सुमारे दोन फूट अंतरावर बिया पेरल्या जातात. बियाणे सेट केल्यानंतर आवश्यकतेनुसार शेताला हलके सिंचन केले आहे.
3000 रुपये क्विंटल भाव
घेवडा लागवडीसाठी थंड हवामान आवश्यक आहे. वालुकामय जमीन घेवडा लागवडीसाठी योग्य मानली जाते. घेवडा लागवड पाण्याचा चांगला निचरा होणाऱ्या जमिनीत करावी तसेच माती क्षारीय ते अम्लीय नसावी. 1 हेक्टरमध्ये 350 क्विंटल सोयाबीनचे उत्पादन होऊ शकते, असा अंदाज या शेतकऱ्याने व्यक्त केला आहे. पहिल्या तोडीचा भाव 3000 रुपये प्रतिक्विंटल आढळून आला आहे.
शेतकऱ्याने सांगितले की, बीन पीक सुमारे 80 दिवसात तयार होते. एकदा का फुलोऱ्यानंतर शेंगा निघू लागल्या की साधारण 1 आठवड्यानंतर दुसरे पीक फुटण्याची वेळ येते. अशा पद्धतीने जर विपुल यांच्या घेवडा पीकाला आता जसा बाजार भाव मिळत आहे तसा मिळाला तर निश्चितच त्यांना दहा लाख रुपयांपर्यंतची कमाई होऊ शकते. निश्चितच भाजीपाला शेतीतून देखील लाखों रुपयांची कमाई घेणे शक्य आहे. विपुल यांनी शेतीत केलेले हे काम इतर शेतकऱ्यांना मार्गदर्शक ठरणार आहे.
