Poultry Farming : गेल्या अनेक शतकांपासून संपूर्ण भारत वर्षात शेती (Farming) समवेतच कुक्कुटपालन हा व्यवसाय (Poultry Farming Business) देखील केला जात आहे. अलीकडे ग्रामीण भागात हा व्यवसाय झपाट्याने वाढत असल्याचे चित्र आहे.
अतिरिक्त उत्पन्न (Farmer Income) मिळविण्यासाठी शेतकरी बांधवांना (Farmer) कुक्कुटपालन व्यवसाय करण्यासाठी शासनाकडून प्रवृत्त केले जात आहेत. जाणकार लोकांच्या मते, अंडी आणि मांस उत्पादनाच्या वाढत्या मागणीमुळे कुकुटपालन व्यवसाय खेड्यापासून शहरांपर्यंत सर्वत्र मोठ्या वेगाने वाढत आहे.
कुक्कुटपालन व्यवसायाचे सर्वात मोठे वैशिष्ट्य म्हणजे तुम्ही अत्यंत कमी खर्चात आणि अल्प प्रमाणात पोल्ट्री फार्म सुरू करून बंपर नफा मिळवू शकता. जाणकार लोक सांगतात की कुकूटपालन व्यवसाय शेतकरी बांधवांसाठी निश्चितच फायद्याचा सौदा सिद्ध होणार आहे मात्र यासाठी कोंबड्यांच्या सुधारित जातींची (Chicken Breed) निवड करणे अतिशय महत्त्वाचे राहणार आहे.
शेतकरी बांधवांनी सुधारित जातींच्या कोंबड्यांचे पालन केल्यास त्यांना चांगल्या प्रतीची अंडी आणि कोंबडीपासून चांगल्या प्रमाणात मांस देखील मिळणार आहे. जाणकार लोक म्हणतात की, चांगल्या जातीच्या कोंबड्यांना रोग होण्याची शक्यता जवळपास नसते. अशा परिस्थितीत सुधारित जातींच्या कोंबड्यांचे पालन केल्यास शेतकरी बांधवांना कुक्कुटपालन व्यवसाय चांगली कमाई मिळवून देणार आहे.
कोंबडीच्या सुधारित जाती कोणकोणत्या आहेत बर…!
मित्रांनो यशस्वी कुक्कुटपालन व्यवसाय हा असा व्यवसाय आहे जिथे तोटा होण्याची शक्यता खूपच कमी असते. हा व्यवसाय कोंबडीपासून अंडी आणि मांसाचे उत्पादन घेण्यासाठी केला जातो. सुधारित जातींच्या कोंबड्यांचे पालन केल्यास कुकुटपालन करणाऱ्या शेतकऱ्यांना चांगली अंडी आणि उत्तम मांस उपलब्ध होणार आहे. कोंबड्यांच्या खाली दिलेल्या 9 जाती शेतकऱ्यांसाठी अधिक फायदेशीर ठरत आहेत.
यामध्ये हितकारी कोंबडी, प्लायमाउथ रॉक हेन, ओपिंगटन कोंबडी, झारसी कोंबडी, प्रतापधन कोंबडी, बंटम कोंबडी, कामरूप कोंबडी, कॅरी श्यामा कोंबडी आणि कॅरी निर्भय कोंबडी यांचा समावेश आहे. या कोंबड्यांमध्ये अशी एक जात देखील आहे, जी एका वर्षात सुमारे 250 अंडी देते. मित्रांनो जात आहे प्लायमाउथ रॉक हेन. अशा परिस्थितीत या जातीचे पालन शेतकऱ्यांना अधिक उत्पन्न मिळवून देणार आहे.
प्लायमाउथ रॉक कोंबडीच्या विशेषता
शेतकऱ्यांचे उत्पन्न दुप्पट करण्यासाठी प्लायमाउथ रॉक कोंबडीचे पालन फायदेशीर ठरत असल्याचा दावा केला जात आहे. या जातीची कोंबडी अंडी उत्पादनासाठी विशेष ओळखली जात असली तरी देखील तिचे चिकनही शेतकऱ्यांना अधिक उत्पन्न मिळवून देण्यास उपयुक्त ठरू शकते. खरं पाहता, प्लायमाउथ रॉक चिकन ही कोंबडीची एक अमेरिकन जात आहे, जिची लोकप्रियता आपल्या भारतात देखिल दिवसेंदिवस वाढत आहे आणि येथील कुकूटपालन व्यवसाय आहे की या जातीच्या कोंबडीचे मोठ्या प्रमाणात संगोपन करत आहेत.
आम्ही तुम्हाला सांगू इच्छितो की प्लायमाउथ रॉक कोंबडी एका वर्षात 250 अंडी देण्यास सक्षम असल्याचा दावा केला जात आहे. या कोंबडीच्या एका अंड्याचे वजन 60 ग्रॅम पर्यंत असते.
प्लायमाउथ रॉक कोंबडीच वजन 3 किलोग्रॅम पर्यंत असते, या कोंबडीची चोच लाल असते आणि कान देखील लाल असतात मात्र चोच पिवळी असते.
ही कोंबडी अतिशय शांत स्वभावाची आहे, जी बसून विश्रांती घेण्याऐवजी हिंडणे पसंत करते.
प्लायमाउथ रॉक कोंबडीचे वेगवेगळे रंग देखील आहेत, ज्यांना ब्लॅक फ्रिजल, ब्लू, पार्ट्रिज आणि कोलंबियन, रॉक-बारेड रॉक असेही म्हणतात.
भारतातील अनेक राज्यांमध्ये, कुक्कुटपालन करणारे शेतकरी केवळ प्लायमाउथ रॉक कोंबडीच्या संगोपनास प्राधान्य देत असल्याचे चित्र आहे.
केवळ अंडीच नाही तर त्याचे निरोगी मांस देखील बाजारात चांगल्या किमतीत विकले जाते, ज्यामुळे शेतकरी अल्पावधीत या कोंबडीचे संगोपन करून चांगला नफा कमवू शकतात.
