Onion Rate Maharashtra : लोकसभा निवडणुकीनंतर शेतकऱ्यांना अच्छे दिन आले आहेत. विशेषता कांदा उत्पादक शेतकऱ्यांना सुगीचे दिवस आलेत, असं म्हणायला काही हरकत नाही.
कारण की, गेल्या अनेक महिन्यानंतर आता कुठे कांदा बाजारात तेजी आली आहे. कांद्याच्या बाजारभावात लोकसभा निवडणुकीनंतर चांगली वाढ पाहायला मिळत आहे. खरे तर लोकसभा निवडणुकीच्या गडबडीत केंद्रातील सरकारने घाईघाईने कांदा निर्यात सुरू केली.
निवडणुकीत फटका बसू नये यासाठी केंद्रातील सरकारने निर्यात शुल्क आणि किमान निर्यात मूल्य लागू करून निर्यात बंदी उठवण्याचे जाहीर केले.
मात्र निर्यात शुल्क आणि किमान निर्यात मूल्य यामुळे निर्यात बंदी उठवली गेली असली तरी देखील अप्रत्यक्षरीत्या निर्यात बंदी सुरु ठेवण्याचा प्रयत्न केंद्रातील सरकारने केला आहे.
त्यामुळे निर्यात बंदीचा निर्णय मागे घेतल्यानंतरही बाजारभावात अपेक्षित अशी सुधारणा होत नव्हती. आता मात्र अचानक बाजार भावात वाढ होत आहे.
याचे कारण म्हणजे देशाच्या दक्षिणेकडील राज्यांमधून महाराष्ट्राच्या कांद्याला मागणी आली आहे. बकरी ईद च्या पार्श्वभूमीवर कांद्याला मोठी मागणी आली असून याच मागणीमुळे आता बाजार भावात चांगली वाढ होत आहे.
दरम्यान आज आपण आठवड्याच्या शेवटच्या दिवशी अहमदनगर जिल्ह्यासहित राज्यातील बाजारांमध्ये कांद्याला काय भाव मिळाला आहे याविषयी अगदी थोडक्यात माहिती जाणून घेण्याचा प्रयत्न करणार आहोत.
पारनेर कृषी उत्पन्न बाजार समिती : या मार्केटमध्ये आज उन्हाळी कांद्याला कीमान 700, कमाल 3300 आणि सरासरी 2125 रुपये प्रति क्विंटल एवढा भाव मिळाला आहे.
राहता कृषी उत्पन्न बाजार समिती : या मार्केटमध्ये आज कांद्याला किमान 500, कमाल 3400 आणि सरासरी 2400 असा भाव मिळाला आहे.
अकलूज कृषी उत्पन्न बाजार समिती : या मार्केटमध्ये आज लाल कांद्याला किमान 700, कमाल 3400 आणि सरासरी 2200 असा दर मिळाला.
दौंड-केडगाव कृषी उत्पन्न बाजार समिती : या बाजारात आज कांद्याला किमान एक हजार दोनशे, कमाल 3600 आणि सरासरी 2700 असा भाव मिळाला आहे.
सातारा कृषी उत्पन्न बाजार समिती : या मार्केटमध्ये आज कांद्याला किमान 2500, कमाल 3000 आणि सरासरी 2750 एवढा भाव मिळाला आहे.
पुणे कृषी उत्पन्न बाजार समिती : या मार्केटमध्ये आज कांद्याला किमान 800, कमाल 3000 आणि सरासरी 100900 असा भाव मिळाला आहे.
लासलगाव निफाड कृषी उत्पन्न बाजार समिती : या बाजारात आज उन्हाळी कांद्याला किमान 1270, कमाल 2761 आणि सरासरी 2600 असा भाव मिळाला आहे.
