Maharashtra Onion Rate : गेल्या काही दिवसांपासून कांद्याचे बाजार भाव टिकून आहेत. लोकसभा निवडणुकीत बाजारभावात सुधारणा झाली होती आणि तेव्हापासून बाजारभाव तसेच टिकून आहेत. बाजारभावात सुधारणा झाली असल्याने शेतकऱ्यांना आता कुठे दिलासा मिळतोय. लोकसभा निवडणूकीआधी शेतकऱ्यांनी अगदीच कवडीमोल दरात कांदा विकला.
यामुळे शेतकऱ्यांचे मोठे नुकसान झाले. कांदा पीक उत्पादित करण्यासाठी आलेला खर्च देखील अनेकांना भरून काढता आला नाही. पण आता महाराष्ट्रातील अनेक प्रमुख बाजारांमध्ये कांद्याला चांगला समाधानकारक भाव मिळतोय.
काल बैलपोळ्याच्या मुहूर्तावर अमरावती फळे आणि भाजीपाला मार्केटमध्ये कांद्याला कमाल 5500 रुपये प्रति क्विंटल एवढा विक्रमी भाव मिळाला होता. आज तीन सप्टेंबर 2024 ला देखील कांद्याला असाच विक्रमी दर मिळाला आहे. आज पश्चिम महाराष्ट्रातील कोल्हापूर कृषी उत्पन्न बाजार समितीमध्ये कांद्याला सर्वाधिक भाव मिळाला आहे.
महाराष्ट्र राज्य कृषी पणन महामंडळाच्या अधिकृत संकेतस्थळावरून प्राप्त झालेल्या माहितीनुसार, कोल्हापूर एपीएमसी मध्ये आज कांद्याला किमान पंधराशे, कमाल 5000 आणि सरासरी 3400 असा विक्रमी दर मिळाला आहे. दरम्यान आता आपण लासलगाव, पिंपळगाव बसवंत, येवला, पुणे सारख्या बाजारांमध्ये कांद्याला काय दर मिळाला आहे याविषयी थोडक्यात माहिती जाणून घेण्याचा प्रयत्न करणार आहोत.
महाराष्ट्रातील प्रमुख बाजारांमधील कांदा बाजार भाव?
लासलगाव कृषी उत्पन्न बाजार समिती : आशिया खंडातील सर्वात मोठी कांदा बाजारपेठ म्हणून नावारूपाला आलेल्या लासलगाव एपीएमसी मध्ये आज उन्हाळी कांद्याला किमान 2150, कमाल 4700 आणि सरासरी 4400 असा भाव मिळाला आहे.
पिंपळगाव बसवंत कृषी उत्पन्न बाजार समिती : नाशिक जिल्ह्यातील आणखी एक महत्त्वाची बाजारपेठ म्हणजेच पिंपळगाव बसवंत एपीएमसी मध्ये आज उन्हाळी कांद्याला किमान दोन हजार, कमाल 4851 आणि सरासरी 4300 असा भाव मिळाला आहे.
लासलगाव विंचूर कृषी उत्पन्न बाजार समिती : या बाजारात आज उन्हाळी कांद्याला किमान 2900, कमाल 4701 आणि सरासरी 4450 असा विक्रमी भाव मिळाला आहे.
मनमाड कृषी उत्पन्न बाजार समिती : या बाजारात आज उन्हाळी कांद्याला किमान 2 हजार, कमाल ४२०१ आणि सरासरी चार हजार असा भाव मिळाला आहे.
येवला अंदरसुल कृषी उत्पन्न बाजार समिती : या बाजारात आज उन्हाळी कांद्याला किमान 2100, कमाल 4728 आणि सरासरी 4500 असा भाव मिळाला आहे.
पुणे कृषी उत्पन्न बाजार समिती : या बाजारात कांद्याला किमान 3200, कमाल 4600 आणि सरासरी 3900 असा भाव मिळाला आहे.
