Kusum Solar Pump List : मोठी बातमी ! पीएम कुसुम सोलर योजनेअंतर्गत महाराष्ट्रातील पात्र-अपात्र शेतकऱ्यांची यादी आली, पहा डिटेल्स

Kusum Solar Pump List : देशभरातील शेतकऱ्यांच्या कल्याणासाठी केंद्र शासनाकडून वेगवेगळ्या योजना हाती घेतल्या जातात. यामध्ये पीएम कुसुम सोलर योजनेचा देखील समावेश आहे. खरं पाहता ही केंद्र शासनाची एक महत्त्वाकांक्षी योजना आहे. या योजनेच्या माध्यमातून शेतकऱ्यांना अनुदानावर सोलर कृषीपंप उपलब्ध करून दिले जात आहेत.

वास्तविक पाहता, शेतीसाठी पाण्याची नितांत आवश्यक असते आणि पाणी विहिरीतून किंवा कुपननलिकेतून पिकांपर्यंत पोहोचवण्यासाठी विजेची आवश्यकता आहे. मात्र, महाराष्ट्रासह संपूर्ण देशातील बहुतांशी भागात कृषी पंपासाठी अजूनही रात्रीचा वीज पुरवठा होत आहे. यामुळे शेतकऱ्यांना रात्री अपरात्री उठून पिकांना पाणी द्यावे लागते.

अशा परिस्थितीत शेतकऱ्यांसोबत अनेक अपघात देखील होतात. मात्र शेतकऱ्यांना नाईलाज म्हणून रात्री अपरात्री जोखीम स्वीकारून पीक जगवण्यासाठी पाणी द्यायला जावे लागते. शेतकऱ्यांची हीच अडचण लक्षात घेऊन यावर कायमचे समाधान म्हणून केंद्र शासनाच्या माध्यमातून ही पीएम कुसुम सोलर योजना राबवली जात आहे.

याचा लाभ घेऊन शेतकरी बांधव सोलर पंप आपल्या शेतात बसवू शकतात आणि विजेचा कायमचा ताण मिटवू शकणार आहेत. दरम्यान आज आपण या योजनेअंतर्गत महाराष्ट्रात आतापर्यंत किती शेतकऱ्यांनी अर्ज केले होते आणि यापैकी जिल्हानिहाय किती शेतकऱ्यांचे अर्ज मंजूर झाले आहेत याची माहिती जाणून घेणार आहोत. 

हाती आलेल्या माहितीनुसार, या योजनेअंतर्गत आत्तापर्यंत एक लाख 17 हजाराहून अधिक अर्ज प्राप्त झाले असून यापैकी 46 हजाराहून अधिक अर्ज स्वीकृत झाले म्हणजे इतके शेतकरी बांधव या योजनेसाठी पात्र ठरले आहेत आहेत.

जिल्हानिहाय पात्र अन अपात्र शेतकऱ्यांची संख्या