Kanda Bajarbhav : कांदा बाजारभावात झाली मोठी वाढ ! ‘या’ बाजार समितीत कांद्याला मिळाला 4 हजाराचा दर ; वाचा आजचे कांदा बाजारभाव

Kanda Bajarbhav : कांदा उत्पादक शेतकरी बांधवांसाठी एक थोडीशी दिलासादायक बातमी समोर येत आहे. मित्रांनो कांद्याच्या बाजार भावात आज मोठी वाढ झाली आहे. आज कांद्याला तब्बल चार हजार रुपये प्रति क्विंटल एवढा कमाल बाजारभाव मिळाला आहे. यामुळे कांदा उत्पादक शेतकरी बांधवांच्या चेहऱ्यावर समाधानाचे भाव पाहायला मिळत आहेत.

खरं पाहता गेल्या महिन्याभरापासून कांद्याच्या बाजारभावात रोजाना वाढ होत आहे. तसेच कांदा बाजार भावात झालेली ही वाढ जानेवारी महिन्यापर्यंत कायम राहणार असल्याचा अंदाज तज्ञांनी वर्तवला आहे. त्यामुळे निश्चितच कांदा उत्पादक शेतकरी बांधवांना अच्छे दिन आले आहेत असे म्हणायला काही हरकत नाही. मित्रांनो आज झालेले लिलावात सोलापूर कृषी उत्पन्न बाजार समितीमध्ये कांद्याला सर्वोच्च बाजार भाव मिळाला आहे. आज सोलापूर एपीएमसी मध्ये कांद्याची आवक वाढली होती तरीदेखील कांद्याच्या बाजारभावात वाढ झाली आहे.

मात्र सरासरी बाजारभावात कालपेक्षा 100 रुपयांची घसरण झाली आहे. काल सोलापूर एपीएमसी मध्ये लाल कांद्याला 1600 रुपये प्रति क्विंटल एवढा सर्वसाधारण बाजार भाव मिळाला होता.  आज 100 सर्वसाधारण बाजारभावामध्ये घसरण झाली असून 1500 रुपये प्रति क्विंटल एवढाच सर्वसाधारण बाजार भाव नमूद करण्यात आला आहे. मात्र कमाल बाजारभावामध्ये कालपेक्षा 300 रुपयांची वाढ झाली आहे.

काल सोलापूर बाजारात कांद्याला 3700 रुपये प्रति क्विंटल एवढा कमाल बाजार भाव मिळाला होता तर आज चार हजार रुपये प्रति क्विंटल एवढा कमाल बाजार भाव मिळाला आहे. निश्चितच सध्या मिळत असलेला बाजार भाव शेतकरी बांधवांच्या अपेक्षेप्रमाणे आहे. यामुळे शेतकऱ्यांमध्ये मोठे आनंदाचे वातावरण पाहायला मिळत आहे. मित्रांनो जसं की आपणास ठाऊकच आहे आपण रोजच कांदा बाजार भावाची माहिती जाणून घेत असतो. आज देखील आपण राज्यातील प्रमुख कृषी उत्पन्न बाजार समितीमध्ये कांद्याला मिळालेल्या बाजारभावाची माहिती जाणून घेण्याचा प्रयत्न करणार आहोत.