Cow Farming : भारत एक शेतीप्रधान देश आहे. यामुळे शेती आणि शेतीपूरक व्यवसाय (Agriculture Business) देशाच्या अर्थव्यवस्थेत महत्त्वाचे योगदान अदा करत आहेत. खरं पाहता आपल्या देशाच्या ग्रामीण भागात पशुपालन (Animal Husbandry) हे एक उत्पन्नाचे (Farmer Income) उत्तम साधन आहे.
याचे दाखले देणारे अनेक उदाहरणं वारंवार तज्ञ लोक पुढे करत असतात. पशूपालनातं सर्वाधिक गाईंचे पालन (Cow Rearing) आपल्या देशात केले जात आहे. शेतकऱ्यांमध्ये (Farmer) देखील गायींचे पालन सर्वाधिक लोकप्रिय आहे.
तथापि, अनेक वेळा शेतकरी तक्रार करतात की त्यांच्या गायीचे दूध उत्पादन मोठ्या प्रमाणात घटले आहे. अशा परिस्थितीत अशा शेतकरी बांधवांसाठी आजची ही बातमी आणि लेख विशेष राहणार आहे. कारण की आज आपण कशा पद्धतीने घरगुती उपचार करून गाईचे दूध वाढवले जाऊ शकते याविषयी सविस्तर जाणून घेणार आहोत.
देशातील अनेक पशुपालक शेतकरी बांधव त्यांच्या गायींना हार्मोन्सचे इंजेक्शन देतात, त्यामुळे त्या अधिक दूध देऊ लागतात. असे केल्याने केवळ गायींच्या आरोग्यावरच परिणाम होत नाही तर अशा दुधाचे सेवन इतरांसाठीही घातक ठरू शकते. अशा परिस्थितीत आम्ही तुम्हाला घरगुती उपायांनी दूध उत्पादन क्षमता कशा पद्धतीने वाढवले जाऊ शकते याविषयी माहिती देणार आहोत.
मोहरीचे तेल आणि पीठ खाऊ घाला
सीतापूर कृषी विज्ञान केंद्राचे पशुवैद्यकीय शास्त्रज्ञ डॉ. आनंद सिंह सांगतात की, सुमारे 200-300 ग्रॅम मोहरीचे तेल आणि सुमारे 250 ग्रॅम गव्हाचे पीठ मिसळून संध्याकाळी गायींना खाऊ घाला. या दरम्यान गायीला खाल्ल्यानंतर लगेच पाणी देऊ नये हे लक्षात ठेवा. हे औषध तुमच्या गायीला आठवडाभर खायला द्या मग थांबवा. त्याचा परिणाम तुम्हाला काही दिवसात नक्कीच दिसेल. तुमच्या गाईचे दूध उत्पादन वाढेल.
गाईंना हिरवा चारा खायला द्या बर…!
आम्ही तुम्हाला सांगतो की गाईसाठी हिरवा चारा आणि अन्न नेहमी उपलब्ध असले पाहिजे. वास्तविक, दुग्ध उत्पादक शेतकरी जनावरांना ओला चारा देतात, ज्यामुळे गायींच्या दुधाच्या फॅटवर परिणाम होतो. अशा परिस्थितीत दुधात फॅटचे प्रमाण सुधारण्यासाठी गायींना हिरवा चारा, कोरडा चारा आणि आहारातील मिश्रण द्यावे. याशिवाय त्यांच्या गाईंना रोज पान द्यायला हवे.
कापूस बियाणे किंवा सरकी खाऊ घाला…!
दुधातील फॅट वाढवण्यासाठी कापसाच्या बिया जनावरांनाही खाऊ घालता येतात. 250 ग्रॅमपेक्षा जास्त कापूस बियाणे जनावरांमध्ये लठ्ठपणा निर्माण करू शकते. त्यामुळे कापूस बियाण्यांचे प्रमाण यापेक्षा कमी ठेवावे. त्याच वेळी, फीडचा आकार जनावरांच्या दूध उत्पादनावर परिणाम करतो. शेतकऱ्यांनी चाऱ्यामध्ये पेंढ्याचा आकार एक इंचापेक्षा कमी ठेवू नये.
