Cactus Cultivation : आता शेतीव्यवसायात (Farming) काळाच्या ओघात मोठा बदल झाल्याचे चित्र आहे. मित्रांनो आता निरोपयोगी वस्तूदेखील शेतकऱ्यांना (Farmer) चांगला बक्कळ पैसा (Farmer Income) कमवून देत आहेत. खरं पाहता शेतकरी बांधव अनेक पिके निरुपयोगी म्हणून फेकून देतात.
पण तुम्हाला माहित आहे का की ज्यांना तुम्ही निरुपयोगी म्हणून फेकून देता. हे तुमच्यासाठी खूप फायदेशीर देखील सिद्ध होऊ शकते. या पिकांपैकी एक निवडुंगाचे रोप (Cactus Crop) देखील आहे, जे शेतकरी विनाकारण फेकून देतात.
आम्ही तुम्हाला सांगू इच्छितो की जर तुम्ही व्यावसायिकरित्या निवडुंगाची शेती (Commercial Cactus Farming) करत असाल तर ते तुमच्यासाठी अतिरिक्त उत्पन्नाचे साधन देखील बनू शकते. कारण त्याच्या वनस्पतीपासून अनेक प्रकारची उत्पादने बाजारात तयार केली जातात तसेच पशुखाद्य, चामडे बनवणे, औषधे आणि इंधन यासाठीही निवडुंगाचा वापर केला जातो.
अपुंटिया फिकस-इंडिया जातींचे निवडुंग
जर आपण निवडुंगाच्या व्यावसायिक लागवडीबद्दल बोललो, तर अपुंथिया फिकस-इंडिया यामध्ये सर्वात लोकप्रिय आहे. कारण या वनस्पतीमध्ये काटे आढळत नाहीत आणि त्याच वेळी शेतकर्‍यांना ते वाढवण्यासाठी जास्त पाण्याची गरज लागत नाही. आपण हे रोप सिंचनाशिवाय सहजपणे वाढवू शकता. त्यामुळे निवडुंग लागवडीचा खर्च कमी आणि नफा जास्त होतो.
कॅक्टसचे फायदे
उन्हाळ्यात कॅक्टस जनावरांना खायला दिले जाते, कारण ते खाल्ल्याने जनावरांमध्ये उष्णता आणि निर्जलीकरण होत नाही.
कॅक्टसपासून तेल, शाम्पू, साबण, लोशन यांसारखी सौंदर्य उत्पादने तयार केली जातात, जी देश-विदेशातील बाजारपेठेत चढ्या दराने विकली जातात.
कॅक्टस हा पाण्याचा उत्तम स्रोत देखील मानला जातो, परंतु असे असूनही, ते वाळवंटी भागात जास्त प्रमाणात दिसून येते, जेथे पाणी कमी उपलब्ध आहे.
निवडुंगापासून चामडे तयार केल्याचे देखील आढळून आले आहे.
निवडुंग लागवडविषयी काही महत्वाच्या बाबी
निवडुंगाची रोपटी 5 ते 6 महिन्यांत पूर्ण विकसित होते. खरं पाहिले तर त्याची लागवड जून-जुलै ते नोव्हेंबर या काळात केली जाते. जर तुम्ही तुमच्या शेतात त्याची लागवड करण्याचा विचार करत असाल तर त्यासाठी तुमच्या शेताची माती खारट असावी हे लक्षात ठेवा.
रोप योग्य प्रकारे तयार झाल्यानंतर, जेव्हा त्याचे रोप 1 मीटर उंच होईल आणि 5 ते 6 महिने पूर्ण झाले असतील तेव्हा शेतकऱ्यांनी त्याची कापणी करावी. निवडुंगाला बाजारात मोठी मागणी असते. यामुळे याच्या शेतीतून शेतकऱ्यांना हजारोचा नफा राहणार आहे.
