Business Idea: भारतात गेल्या अनेक दशकांपासून शेतीमध्ये (Farming) मोठा बदल केला जात आहे. शेतकरी बांधव (Farmer) आता उत्पन्नवाढीचे अनुषंगाने मोठ्या प्रमाणात फळबाग पिकांची शेती करत असल्याचे चित्र आहे. अलीकडे शेतकरी बांधवांनी विदेशी फळांची देखील शेती सुरू केली आहे. किवी (Kiwi Crop) हे देखील एक प्रमुख विदेशी फळ असून याची देखील आपल्या भारतात मोठ्या प्रमाणात आता लागवड केली जात आहे.
विशेष म्हणजे या पिकाची शेती (Kiwi Farming) शेतकऱ्यांसाठी फायद्याचा सौदा सिद्ध होत आहे. आपल्या राज्यातील शेतकरी बांधवही या पिकाची थोड्याबहुत प्रमाणात शेती करत आहेत. राज्यातील शेतकरी बांधवांना देखील या पिकाच्या शेतीतून चांगली कमाई (Farmer Income) होत आहे. यामुळे शेतकरी बांधव या पिकाच्या लागवडीकडे आता मोठ्या प्रमाणात आकृष्ट होत आहेत.
किवी या फळात अनेक औषधी गुणधर्म असल्याने याची बाजारात मोठी मागणी असते. शिवाय या फळाला बाजारात चांगला भाव देखील मिळत असतो. अशा परिस्थितीत या पिकाची शेती शेतकऱ्यांना बक्कळ पैसा कमवून देणार आहे. यामुळे आज आम्ही आपल्या शेतकरी वाचक मित्रांसाठी या फळाच्या शेती विषयक काही महत्त्वाच्या बाबी घेऊन हजर झालो आहोत.
या राज्यांमध्ये किवीची शेती हाय बरं…!
किवी हे फळ मुळचे चीनचे असल्याचे सांगितले जाते. मात्र असे असले तरी या फळाचा भारतात देखील मोठ्या प्रमाणात वापर वाढला आहे. त्यामुळे आपल्या भारतात देखील यांची शेती आता मोठ्या प्रमाणात होऊ लागली आहे. जाणकार लोकांच्या मते भारतीय वातावरण या पिकाच्या शेतीसाठी अनुकुल आहे.
आपल्या भारतातील हिमाचल प्रदेश, उत्तराखंड, नागालँड, केरळ, उत्तर प्रदेश, जम्मू आणि काश्मीर, सिक्कीम, अरुणाचल प्रदेश आणि मेघालय इत्यादी राज्यात या विदेशी फळांची आता शेती केली जात आहे. आपल्या राज्यात या फळाची खूपच कमी प्रमाणात शेती बघायला मिळते. आजच्या काळात शेतकरी बांधव इतर कोणत्याही फळपिकापेक्षा किवी फळांपासून जास्त कमाई करत असल्याचे तज्ञांचे मत आहे.
किवी फळाच्या प्रगत जाती कोणत्या आहेत बरं…!
जाणकार लोकांच्या मते, किवीच्या शेकडो जाती संपूर्ण जगभर लावल्या जातात. मात्र असे असले तरी भारतात काही मोजक्याच जातींची शेती केली जाते. भारतीय हवामानानुसार हेवर्ड, अॅबॉट, अॅलिसन, माँटी, तुमयुरी आणि ब्रुनो इत्यादी जातीची शेतकरी बांधव शेती करत आहेत.
शेतीची तयारी
किवीची लागवड हिवाळ्याच्या हंगामात केली जाते, त्यासाठी झाडांची लागवड जानेवारीच्या हंगामात केली जाते. चांगला निचरा होणारी, खोल, सुपीक, चिकणमाती वालुकामय चिकणमाती माती किवी बागांमधून चांगले उत्पादन देण्यासाठी सर्वात फायदेशीर आहे.
शेतकर्‍यांना हवे असल्यास ते अंकुर पद्धती, कलम पद्धत किंवा लेयरिंग पद्धतीच्या मदतीने रोपे लावण्याची कामे करू शकतात. त्याआधी खड्ड्यांमध्ये आवश्यकतेनुसार वाळू, कुजलेले खत, माती, लाकूड भुसा आणि कोळशाची धूळ 2:2:1:1 च्या अंदाजानुसार टाका.
सिंचन आणि काळजी
किवी फळबागांना फारशी काळजी घेण्याची गरज नसली तरी वेळेवर फळबागांचे व्यवस्थापन करणे फायदेशीर ठरते. विशेषतः उन्हाळ्यात किवी बागांच्या वाढीसाठी 10 ते 15 दिवसांचा कालावधी लागतो.
ठिबक सिंचनाद्वारे पाणी द्यावे. सप्टेंबर ते ऑक्टोबर दरम्यान फळे पिकण्याच्या अवस्थेत हलक्या सिंचनाची शिफारस केली जाते.
अनेकदा उन्हाळी हंगामात किवीच्या बागेत मुळे कुजणे, कॉलर रॉट, क्राउन रॉट इत्यादी रोगांचा प्रादुर्भाव वाढतो. झाडाच्या मुळांमध्ये पाणी भरल्याने जमिनीतील बुरशीमुळे असे घडते.
त्यांच्या प्रतिबंधासाठी, ड्रेनेजची व्यवस्था करा आणि बाधित ठिकाणी सेंद्रिय कीटकनाशके आणि जीवाणूनाशक औषधांची फवारणी करा.
किवी लागवडीतून मिळणारे उत्पन्न
नवीन फळबाग लावल्यानंतर किवीची झाडे 5 वर्षात फलदायी होतात, परंतु व्यावसायिक शेती केल्यानंतर 6 ते 7 वर्षांत फळे येऊ लागतात.
मोठी फळे बाजारात विकण्यासाठी प्रथम कापणी केली जातात आणि योग्य पॅकेजिंगद्वारे बाजारात आणली जातात.
मित्रांनो फळे कठिण अवस्थेत तोडली जातात, जेणेकरून ही फळे बाजारात येईपर्यंत मऊ किंवा खराब होणार नाहीत.
बाजारात किवी फळे 20 रुपये प्रति फळ ते 35 रुपये प्रति नग या दराने विकली जातात. जाणकार लोकांच्या मते शेतकरी केवळ 5 एकर जमिनीवर किवी पिकवून दरवर्षी किवी शेतीतून 30 लाखापर्यंत उत्पन्न घेऊ शकतात.
