Agriculture News: देशात पेट्रोल आणि डिझेलच्या किमती अगदी आकाशाला गवसणी घालत आहेत. यामुळे सामान्य नागरिकांचे (Common Man) आणि शेतकऱ्यांचे (Farmer) मोठ्या प्रमाणात हाल होत असून त्यांची आर्थिक बजेट कोलमडायला लागले आहे. पेट्रोल-डिझेलच्या किमती वाढल्या असल्याने शेतीसाठी (Farming) आवश्यक उत्पादन खर्चात (Production Cost) देखील वाढ होत आहे.
शेतीच्या (Agriculture) पेरणीपूर्वी आणि पेरणीनंतर असं म्हणण्यापेक्षा पेरणीपासून ते काढणीपर्यंत (Harvesting Cost) शेतकऱ्यांचा उत्पादन खर्च वाढतच आहे. त्यामुळे शेतकऱ्यांना मिळणारे उत्पन्न (Farmer Income) आता कमी होत चालले आहे. अशा परिस्थितीत, पेट्रोल आणि डिझेलचा सततचा तुटवडा लक्षात घेता, आता सर्व ऑटो कंपन्या इलेक्ट्रिक मोडवर स्विच करण्यात व्यस्त आहेत.
ओमेगा सेकी मोबिलिटी (OSM) कंपनीने पुढील वर्षी मार्चपर्यंत भारतात 10 हजाराहून अधिक इलेक्ट्रिक वाहने लॉन्च करण्याची घोषणा केली आहे. कंपनीने सांगितले की, लॉन्च करण्यात येणाऱ्या वाहनांमध्ये दुचाकी, तीनचाकी आणि इलेक्ट्रिक ट्रॅक्टरचा (electric tractor) समावेश असेल. ही वाहने चार्ज करण्यासाठी वेगवेगळ्या ठिकाणी चार्जिंग स्टेशन्स करण्याची व्यवस्थाही करण्यात येणार आहे.
दक्षिण कोरिया आणि थायलंडमध्ये चाचण्या सुरू आहेत
OSM कंपनीचे चेअरमन उदय नारंग यांनी भारतात प्रथमच लाँच होणार्‍या इलेक्ट्रिक ट्रॅक्टरबद्दल सविस्तरपणे सांगितले. ते म्हणाले, “कंपनीने दक्षिण कोरिया आणि थायलंडमध्ये आपली संशोधन-विकास केंद्रे स्थापन केली आहेत. त्या केंद्रांवर इलेक्ट्रिक ट्रॅक्टरची चाचणी सुरू आहे. ही चाचणी पूर्ण होताच, आम्ही हे ट्रॅक्टर इलेक्ट्रिक ट्रॅक्टर भारतात लाँच करू. 2022-23 च्या अखेरीस टियर II आणि III शहरांमध्ये या वाहनांची सर्व्हिसिंग आणि भाडेतत्त्वावर देण्याची नवीन संकल्पना देखील आम्ही आणू.
कंपनीचे कार्यालय फरीदाबाद येथे आहे
फरीदाबादस्थित कंपनी OSM इलेक्ट्रिक तीन वाहने बनवते. याशिवाय छोटी व्यावसायिक वाहनेही कंपनी बनवत आहे. बाजारातील मागणी पाहता त्यांची कंपनी लवकरच ड्रोन, ट्रॅक्टर आणि दुचाकी बाजारात आणणार असल्याचे अध्यक्षांनी सांगितले. OSM कंपनीने या वर्षाच्या सुरुवातीला इलेक्ट्रिक थ्री-व्हीलर लॉन्च करून भारताच्या ऑटो क्षेत्रात प्रवेश केला. दिल्लीत या ऑटोची किंमत 3.40 लाख रुपये आहे.
