Goat Farming : भारतात पशूपालन (Animal Husbandry) शेती व्यवसायाच्या (Farming) अगदी प्रारंभीपासून केले जात आहे. पशुपालन व्यवसाय शेतीशी निगडित व्यवसाय (Agricultural Business) असल्याने शेतकरी बांधव (Farmer) हा व्यवसाय मोठ्या प्रमाणात करत असतात. पशुपालनात शेतकरी बांधव शेळीपालन सर्वाधिक करत असतात.
शेळीपालन व्यवसाय (Goat Rearing) कमी खर्चात आणि कमी जागेत सुरू करता येत असल्याने या व्यवसायाकडे शेतकरी बांधव मोठ्या प्रमाणात वळत असल्याचे चित्र आहे. मात्र असे असले तरी शेळीपालन व्यवसायात यशस्वी होण्यासाठी शेतकरी बांधवांना शेळ्यांच्या सुधारित जातींचे (goat breed) संगोपन करण्याचा सल्ला दिला जातो.
मित्रांनो दुंबा (dumba goat) ही देखील शेळीची एक सुधारित जात आहे. या जातीचे संगोपन करून शेतकऱ्यांना चांगली कमाई होत आहे. अशा परिस्थितीत आज आपण या जातीच्या शेळीच्या काही विशेषता थोडक्यात जाणून घेण्याचा सविस्तर प्रयत्न करणार आहोत.
दुंबा पालन म्हणजे काय?
आपल्या माहितीसाठी, आम्ही तुम्हाला सांगू इच्छितो की डुंबा ही शेळीची एक जात आहे, ज्याची शेपटी गोल आणि गिरणीच्या दगडासारखी जड असते. ईदच्या सणाला या जातीच्या शेळीला मागणी खूप असते. या शेळीला किंमतही चांगली मिळते.
दुंबाची वैशिष्ट्ये
माहितीसाठी, आम्ही तुम्हाला सांगू इच्छितो की, उत्तर प्रदेश राज्यातील शेतकरी अनेक वर्षांपासून दुंबा पालन करत आहेत. यातून तेथील शेतकरी दरवर्षी लाखो रुपयांची कमाई करत आहेत. मीडिया रिपोर्टनुसार, एक वर्षाच्या करडाचे वजन सुमारे 100 किलो होते, असे शेतकरी सांगतात.
दुंबाची करडे विकून देखील लाखों रुपयांची कमाई केली जाऊ शकते. दुंबा 7 महिने ते 1 वर्षाच्या दरम्यान करडाला जन्म देण्यास सक्षम बनते. करडाचे सुरुवातीच्या 2 महिन्यांत, वजन 25 किलो बनते. या जातीच्या शेळीला वजनामुळे बाजारात चांगली मागणी असते आणि चांगला दर मिळतो
दुंबाची किंमत
डुंबाच्या करडाची किंमत अवघ्या 2 महिन्यात 30 हजार रुपयांपर्यंत जाते. मात्र 3 ते 4 महिने होताच त्यांची किंमत 70 ते 75 हजार रुपयांपर्यंत जाते. आम्ही आपल्या माहितीसाठी या ठिकाणी नमूद करू इच्छितो की दुंबाची चांगली किंमत नर किंवा मादीच्या आधारावर मिळत नाही, तर त्याच्या वैशिष्ट्यांवरून मिळते. तथापि, मादी दुंबाला चांगली किंमत मिळते, कारण की त्यापासून पिल्ले मिळू शकतात.
